Թունելներում մի քանի գործողություններ կան, որ արգելվում է վարորդին կատարել:

Նախ վարորդներն իրավունք չունեն հետադարձ կատարել, բացի այդ թունելներում արգելվում է վազանցի իրականացումը, ինչպես նաև կանգառ:

Միաժամանակ պետք է իմանալ, որ օրվա մութ ժամանակ և անբավարար տեսանելիության պայմաններում, անկախ ճանապարհի լուսավորվածությունից, ինչպես նաև թունելներում երթևեկող տրանսպորտային միջոցների վրա պետք է միացված լինեն հետևյալ լուսային սարքերը`

1) բոլոր մեխանիկական տրանսպորտային միջոցների և մոպեդների վրա` լապտերների հեռահար կամ մոտակա լույսը, հեծանիվների վրա` լապտերները կամ լապտերիկները, իսկ լծասայլերի վրա` լապտերիկները (առկայության դեպքում).

2) կցորդների և քարշակվող մեխանիկական տրանսպորտային միջոցների վրա` եզրաչափային լույսերը:

Այս մասին նշվում է ՀՀ կառավարության N 955-Ն որոշման մեջ:

Իրավաբան.net