Էջմիածնի քաղաքապետը՝ Կարեն Գրիգորյանը 2011թ. վերջում ունեցել է 2,4 մլն դրամ, 455 ԱՄՆ դոլար ու 4189 եվրո: Բացի այդ տարվա ընթացքում նա 12 մլն դրամի բաժնեմաս է ձեռք բերել, հանձնել է 6 մլն դրամի փոխառություն:
Ստացել է 12 մլն դրամ նվիրատվություն, ըստ էության՝ բաժնեմաս են նվիրել քաղաքապետին:
Պարոն Գրիգորյանը 2012թ. պաշտոնի ստանձման հայտարարագրում նշել է, որ ունի անհատական մեկ բնակելի տուն ու բնակարան, բացի այդ՝ TOYOTA COROLLA 1.6 մակնիշի ավտոմեքենա:
2015թ. նա 3.1 մլն դրամով վաճառել է Տոյոտան և գնել AUDI Q5 3.2 մակնիշի ավտոմեքենա՝ 8 մլն դրամով:
Գնալով աճել են նաև քաղաքապետի դրամական միջոցները 2015թ. վերջում նա ունեցել է 6,2 մլն դրամ, 1800 դոլար ու 5200 եվրո:
Պաշտոնյայի կինը ունի 4 մլն դրամ, ըստ Բարձրաստիճան պաշտոնատար անձանց էթիկայի հանձնաժողովի տվյալների:
