Ի պատասխան սոցցանցերում հոգեհանգստի արարողությանը երեխաների մասնակցության մասին արված հարցումների՝ Մարդու իրավունքների պաշտպանի մամուլի խոսնակ Զոհրապ Եգանյանը հրապարակել է ՄԻՊ-ի հայտարարությունը, որում ասվում է. «Մտահոգիչ է հոգեհանգստի, հուղարկավորության արարողություններին երեխաներին կազմակերպված ձեւով մասնակից դարձնելու փաստը: Անթույլատրելի ենք համարում երեխաներին նման հոգեբանական ապրումներին դրդելը: Հուսով ենք, որ կարվի հնարավորը՝ հետայսու նման դեպքերը բացառելու ուղղությամբ»:
Հիշեցնենք՝ հայ երգչուհի Օֆելյա Համբարձումյանի հուղարկավարության արարողությանը ներկա էին երեխաներ և բավականին մոտ էին կանգնած երգչուհու մարմնին, այս հանգամանքը սոցիալական ցանցերում բուռն քննադատության արժանացավ:
