Ադրբեջանի կողմից քաղաքացիական անձանց դեմ կատարված վայրագությունների վերաբերյալ իրավական գործընթացը սկսված է. այս մասին երեկ Հանրային հեռուստաընկերությանը տված հարցազրույցում ասել է ՀՀ արտաքին գործերի նախարար Էդվարդ Նալբանդյանը:
Նրա խոսքով, երեկ այս հարցի վերաբերյալ համապատասխան փաստաթղթերն ու նամակը փոխանցվել է ՄԱԿ-ի մարդու իրավունքների հանձնակատարի գրասենյակ:
Նշենք, որ երեկ ՀՀ Պաշտպանության նախարարության կողմից հրապարակված պաշտոնական տվյալների համաձայն, Ադրբեջանի կողմից հրահրված մարտական գործողությունների արդյուքնում սպանվել է 4 խաղաղ բնակիչ, նրանցից մի քանիսի մարմինները մահից հետո ենթարկվել են խեղումների:
