Քիմ Քարդաշյանն Instagram սոցիալական կայքում ունի 66 միլիոն հետևորդ, սակայն դա նրան Լեռնային Ղարաբաղի համակարտության փորձագետ չի դարձնում. նման կարծիք է արտահայտել ԱՄՆ-ում Ադրբեջանի դեսպան Էլին Սուլեյմանովը. այս մասին գրում է Foreign Policy պարբերականը:
Աշխարհահռչակ մոդել և հեռուստաաստղ Քիմը երկուշաբթի օրը ուղղաթիռների և հայկական դրոշը ծածանող տանկի լուսանկար է տեղադրել Instagram-ում և գրառում արել. «Աղոթում եմ Հայաստանում յուրաքանչյուրի և ամբողջ աշխարհի համար»:
Քարդաշյանն ավելացրել է#PrayForPeace հեշթեգը, որը ավելի քան 500,000 հոգու կողմից հավանություն է ստացել:
Ադրբեջանի դեսպան Էլին Սուլեյմանովին վրդովեցրել է նաև ԱՄՆ կոնգրեսական Ադամ Շիֆի՝ Ադրբեջանի ագրեսիան դատապարտող և Ադրբեջանին պատասխանատվության ենթարկելու կոչը՝ ուղղված Օբամային: Սուլեյմանովն ասել է, թե կոնգրեսականը հայկական լոբբինգի կրողն է:
Իրավաբան.net
