Քիչ առաջ Ազգային ժողովում քվեարկության դրվեց ՀՀ կառավարության ներկայացրած «Սպառողական կոոպերացիայի մասին» Հայաստանի Հանրապետության օրենքում փոփոխություն կատարելու մասին նախագիծը երկրորդ ընթերցմամբ և ամբողջությամբ ընդունելու հարցը: Դաշնակցության խմբակցության պատգամավոր Արծվիկ Միասնյանը նշեց, որ իրենց դեռևս չորրորդ գումարման Ազգային ժողովում «Սպառողական կոոպերացիայի մասին» Հայաստանի Հանրապետության օրենքի վերաբերյալ ներկայացրել էին մի շարք փոփոխություններ, որոնց ամրագրումը գյուղացիների և գյուղատնտեսությամբ զբաղվող մարդկանց համար չէին ստեղծի արհեստական խոչընդոտներ: Չնայած նրան, որ հիմնականում այդ խմբակցության առաջարկությունները տեղ էին գտել օրենքի փոփոխության մեջ, սակայն հաշվի առնելով որոշ դրույթներ չընդգրկելը` Արծվիկ Մինասյանը հայտնեց, որ իրենց խմբակցությունը դեմ է քվեարկելու:
«Սպառողական կոոպերացիայի մասին» Հայաստանի Հանրապետության օրենքում փոփոխություն կատարելու մասին նախագիծը երկրորդ ընթերցմամբ և ամբողջությամբ ընդունվեց:
Աղբյուրը` Իրավաբան.net
