Իսպանիայի Սահմանադրական դատարանը չեղարկել է Կատալոնիայի տարածքային խորհրդարանի ընդունած անկախության մասին բանաձևը: Այս մասին հայտնում է Euronews-ը:
Բարսելոնայի տարածքային խորհրդարանը անկախության մասին բանաձևը ընդունել էր նոյեմբերի 9-ին և մշակել էր ծրագիր, ըստ որի 18 ամսում անկախ պետություն պետք է ձևավորվեր բարձր արդյունաբերական և խիտ բնակեցված հյուսիսարևելյան շրջանում, որտեղից Իսպանիան ստանում է իր տնտեսական արտադրանքի ծավալի մեկ հինգերորդ մասը:
Դատարանը հայտնել է, որ բանաձևը խախտում է երկրի 1978թ-ի սահմանադրության 5 հոդվածները ինչպես նաև տարածաշրջանի կանոնադրության հոդվածները: Գործընթացը արգելափակվել էր նոյեմբերի 11-ից ի վեր՝ մինչև դատարանի վերջնական որոշումը:
Պատրաստեց՝ Սուսաննա Խաչատրյանը
