Դժբախտ պատահար Բագրատունյաց պողոտայում. կան վիրավորներ

Ինչպես տեղեկացնում է ՀՀ տարածքային կառավարման և արտակարգ իրավիճակների նախարարությունը, բոյեմբերի 8-ին, ժամը 21.59-ին ահազանգ է ստացվել, որ Երևանի Բագրատունյաց պողոտայի թիվ 33 շենքի մոտակայքում տեղի է ունեցել ՃՏՊ, կան տուժածներ, առկա է գազի արտահոսք. անհարժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Բագրատունյաց պողոտայի և Ս.Տարոնցի փողոցի խաչմերուկի մոտակայքում բախվել են «ԲՄՎ» մակնիշի 08CC909 պ/հ (վարորդ՝ Հ. Լ., ծնվ. 1988թ.) և «Լոգան» տաքսի ծառայությանը պատկանող «ԿԻԱ» մակնիշի Լ3064 պ/հ (վարորդ՝ Ռ. Ն., ծնվ. 1965թ.) ավտոմեքենաները, այնուհետև վերջինս դուրս է եկել ճանապարհի երթևեկելի հատվածից և բախվել Բագրատունյաց պողոտայի թիվ 32 հասցեում գտնվող թիվ 18 հիմնական դպրոցի պատին: Ռ.Ն.-ն տեղափոխվել է «Էրեբունի» ԲԿ, որտեղ բժիշկները տուժածի վիճակը գնահատել են ծանր կայուն:

Հրշեջ-փրկարարները հոսանքազրկել և գազազրկել են ավտոմեքենաները և կատարել են վառելիքաքսուքային նյութերից ճանապարհի լվացման աշխատանքներ:

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել