Երեւանի «Շենգավիթ» բժշկական կենտրոնի բժշկուհի Շուշանիկ Բախշյանը, որին 26-ամյա ծննդկան Մերի Մարգարյանի հարազատները մեղադրում են նրա եւ նորածնի մահվան մեջ, հարցաքննվել է, այս մասին Իրավաբան.net-ի հետ զրույցում ասաց բժշկուհու փաստաբան Ալեքսանդր Սիրունյանը :
Փաստաբանի խոսքով բժշկուհին գործով ներգրավված է որպես վկա: Շուշանիկ Բախշյանի դիրքորոշման մասին պարոն Սիրունյանը չցանկացավ խոսել, քանի որ նախաքննական գաղտնիք է:
«Այդ կինը հանգիստ, համբերատար սպասում է: Քննությունը կգնա, կպարզվի թե ով է մեղավոր եղել և թե Շուշանիկ Բախշյանի մեղքը քանի տոկոս է կազմում ծննդկանի մահվան մեջ»:
Փաստաբանը վստահեցնում է, որ բժշկուհին մեղավոր չէ, սակայն չի ուզում բարձրաձայնել , քանի որ վստահ է, այս պահին նրա հարազատները չեն հավատա ու չեն հասկանա:
Լաուրա Մամյան
