Մեր անվտանգության և պաշտպանության հարցում մենք առաջին հերթին մեր վրա պետք է հույսը դնենք: Այսօր կառավարության նիստից հետո լրագրողների հետ զրույցում ասաց Արտաքին գործերի նախարարի տեղակալ Շավարշ Քոչարյանը՝ անդրադառնալով սահմանային լարվածությանը և Եվրասիական տնտեսական միության դերին:
Նա մեկնաբանեց լրագրողների այն պնդումը, թե ԵՏՄ-ի անդամ հանդիսացող Հայաստանը պետք է աջակցություն ստանա գործընկերներից.
«Մենք պետք է ունենանք այն գիտակցություն, որ եթե որևէ երկիր իր պաշտպանության հույսը դնում է ուրիշի վրա, դա կարող է շատ տխուր ավարտ ունենալ»,- նշեց նախարարի տեղակալը:
