Ներկայումս շատերը տեղափոխվում են Ուկրաինա ամուսնանալու նպատալով: Ուկրաինայի քաղաքացու հետ ամուսնացող օտարերկրացին մինչև ամուսնությունը գրանցելը և դրանից հետո կառերեսվեն մի շարք խնդրիրների: Սա չի վերաբերում մտածելակերպի կամ մշակութային տարբերություններին, այլ առնչվում է իրավական հետևանքներին և ամուսնության հետ առնչվող օրենքներին: Այս մասին գրում է hg.org կայքը:
Կարևորվում է ամուսնության գրանցման վայրը: Ուկրաինան ընդունում է այլ երկրներում այլ քաղաքացիություն ունեցող անձանց ամուսնության օրինականությունը: Սակայն Ուկրաինայի քաղաքացու հետ ամուսնության դեպքում այն պետք է համապատասխանի Ուկրաինայի ընտանեկան օրենսգրքի պահանջներին:
Եթե ամուսնությունից հետո ցանկանում եք բնակություն հաստատել Ուկրաինայում, ապա պետք է մի շարք փաստաթղթեր պատրաստեք, որոնք կհաստատեն քաղաքացիություն ձեռք բերելու իրավունքը: Սակայն բնակչության տեղաշարժի պատճառով դա կարող է ձգձգվել: Այդ հարցում կարող են օգնել շատ իրավաբանական ընկերություններ, որոնք զբաղվում են անհրաժեշտ փաստաթղթերի հավաքագրումով:
Նյութական հարցերի դեպքում կարող եք ընտրել որևէ երկրի օրենսդրություն, որի օգնությամբ կլուծեք խնդիրները: Եթե արդեն ամուսնացել եք Ուկրաինայի քաղաքացու հետ՝ լինելով օտարերկրացի, դուք կարող եք պաշտոնական համաձայնության գալ: Այնուհետև նյութական խնդիրները լուծելու համար ձեր ընտանիքը կարող է ընտրված երկրի օրենքներին հետևել: Այս տեսակի ծառայությունն ընդունված է Ուկրաինայում և ցանկացած իրավաբանական ընկերություն կօգնի համաձայնության գալու հարցում:
Եթե ձեր ընտանիքը ամուսնությունից հետո բնակություն է հաստատում Ուկրաինայում, ապա դուք պիտի ենթարկվեք երկրի ամուսնական օրենսդրության պահանջներին։: Սակայն երեխայի ծնունդի և դաստիարակության դեպքում ծնողի իրավունքները որոշվում են ելնելով երեխայի անձնական իրավունքից:
