ՀՀ արտակարգ իրավիճակների նախարարությունը տեղեկացնում է, որ այսօր` օգոստոսի 1-ին, ժամը 07.45-08.45-ը հանրապետության հարավ-հյուսիս մայրուղու Աշոցք-Թալին հատվածի 55-րդ կիլոմետրում ճանապարհի շինարարական աշխատանքների կատարման նպատակով կիրականացվեն պայթեցման աշխատանքներ։
Տեղեկացնում ենք, որ մայրուղու նշված հատվածը ժամանակավորապես փակ է լինելու երթևեկության համար։
Արտակարգ իրավիճակների նախարարության ուժերով տեղում կիրականացվի հերթապահություն։
