Քիչ առաջ Ազգային ժողովի շենքի մոտ բախումներ են սկսվել ոստիկանների և Սահմանադրական փոփոխությունների դեմ պայքարող քաղաքացիական ու քաղաքական «Ոչ»-ի ճակատի մասնակիցների միջև: Բախումները սկսվել են այն բանից հետո, երբ ոստիկանները փորձել են պոկել ԱԺ դարպասին փակցրած «Ոչ գրությամբ» մեծ պաստառը։
Քիչ առաջ բերման ենթարկվեցին անձիք: Ոստիկանության մարմինները փորձում էին բերման ենթարկել նաև ԱԺ պատգամավոր Արամ Մանուկյանին, սակայն վերջին պահին նրան դուրս բերեցին ոստիկանականյ մեքենայից:
Այս պահին բարձրախոսով հավաքվածների հետ խոսում են Արամ Մանուկյանը, ՀԱԿ մեկ այլ պատգամավոր Լևոն Զուրաբյանը: Վերջինս հայտնեց, որ ԱԺ նիստի ժամանակ սկսվել են քվերակությունները և դրան մասնակցելուց հետո ինքը և Ա. Մանուկյանը կմիանան իրենց:
Նշենք, որ այս պահին ԱԺ-ում քննարկման է դրված Սահմանադրական փոփոխությունների նախագիծը:
Լուսանկարը՝ 1in.am-ի
