Հղիության 12-րդ շաբաթում պտուղը նմանվում է փոքրիկ մարդուկի, չնայած երկարությունը հասնում է ընդամնեը 8սմի-ի, բայց նա արդեն ունի ձեռքեր, ոտքեր, աչքեր, քիթ, բերան, ականջներ և կարող է շարժվել: Նման մարդուկին կյանք մուտք գործելու և ապրելու հնարավորությունից զրկելը միթե սպանություն չէ, և արդյոք մարդն իրավասու է վերացնելու այն, ինչ Աստված է ստեղծել:
«Հղիության արհեստական ընդհատումները շարունակում են մեծ թիվ կազմել մեր իրականությունում, որոնք հիմնականում պայմանավորված են լինում երեխայի սեռով: Ստացվում է, որ կյանքի իրավունքը կախվածության մեջ է դրված սեռից»,- Իրավաբան.net-ի լրագրողին հայտնում է Հայաստանի երիտասարդ իրավաբանների ասոցիացիայի իրավաբան Գոհար Կոստանյանը:
Վերջինիս խոսքով` «Մարդու վերարտադրողական առողջության և վերարտադրողական իրավունքների մասին» ՀՀ օրենքի 10-րդ հոդվածը նախատեսում է հնարավորություն մինչև հղիության 12-րդ շաբաթը կատարել աբորտ: Նշված ժամկետից հետո հղիության արհեստական ընդհատումը համարվում է հանցագործություն` համաձայն ՀՀ քրեական օրենսգրքի 122-րդ հոդվածի:
«Մեր օրենքը նախատեսում է բացառություն` թույլատրելով կատարել հղիության արհեստական ընդհատում մինչեւ 22 շաբաթական հղիության ժամկետը, եթե դա չանելը կարող է սպառնալ կնոջ կյանքին և առողջությանը, մինչդեռ Իռլանդիայում, օրինակ, օրենքն արգելում է հղիության ընդհատումը, անգամ եթե այն սպառնում է կնոջ կյանքին և առողջությանը: «A, B and C v Ireland» գործով Եվրապական դատարանը Իռլանդիայի այս ոլորտի օրենսդրությունը համարել է Կոնվենցիային հակասող»,-հայտնում է իրավաբանը:
Աղբյուրը՝ Իրավաբան.net
Աբորտը հղիության 12-րդ շաբաթից հետո կատարելը հանցագործություն է
![](/banner/iravaban-net_840x90.png)
![](https://iravaban.net/wp-content/uploads/2012/08/Աբորտ.jpg)