Հայաստանի Հանրապետության նախագահը ստորագրել է հրամանագիր Գագիկ Համբարձումյանին Հայաստանի Հանրապետության Կառավարությանն առընթեր Հայաստանի Հանրապետության ոստիկանության պետի տեղակալ նշանակելու մասին: Այս մասին տեղեկանում ենք ՀՀ Նախագահի պաշտոնական կայքից:
Հրամանագրում, մասնավորապես, նշված է.
«Հիմք ընդունելով «Ոստիկանությունում ծառայության մասին» Հայաստանի Հանրապետության օրենքի 13-րդ հոդվածի 2-րդ մասը` որոշում եմ.
Գագիկ Համբարձումյանին նշանակել Հայաստանի Հանրապետության կառավարությանն առընթեր Հայաստանի Հանրապետության ոստիկանության պետի տեղակալ՝ ազատելով նրան Հայաստանի Հանրապետության կառավարությանն առընթեր Հայաստանի Հանրապետության ոստիկանության պետի տեղակալ, քննչական գլխավոր վարչության պետի պաշտոնից»:
Լուսանկարը՝ police.am-ի:
