Մերձավանում սեպտեմբերի 23-ին տեղի ունեցած սպանության գործով նախաքննությունը շարունակվում է։ ՆԳՆ խոսնակ Նարեկ Սարգսյանի հաղորդմամբ ձեռբակալվել և նախաքննական մարմին է տեղափոխվել 1 անձ։ Ձեռբակալվածին պատկանող շինությունում հայտնաբերվել են հանցագործությաան պահին կիրառված կոշիկներ, ձեռնոց, բաճկոն, որոնք փորձ է արվել այրել։ Հայտնաբերվել է նաև գիշերային տեսանելիության սարք։ Հանցագործության գործիքը դեռևս հայտնաբերված չէ։
Նարեկ Սարգսյանի հաղորդմամբ ձեռբակալված անձը փետրվարի 5-ին Մերձավանում տեղի ունեցած կրակոցների հետևանքով մահացած Գրիգոր Օհանյանի եղբայրն է։
«Ըստ էության սա փետրվարյան իրադարձությունների շարունակությունն է միջանձնային կոնֆլիկտիտրամաբանության մեջ, իսկ սեպտեմբերի 23-ին սպանվել է փետրվարյան միջադեպի հիմնական կասկածյալներից մեկի հարազատ եղբայրը՝ Վոլոդյա Գրիգորյանը»,- նշեց ՆԳՆ մամլո խոսնակը։
Հիշեցնենք, որ սեպտեմբերի 23-ին՝ ժամը 23.52-ին, ՆԳՆ ոստիկանություն ահազանգ էր ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել։ Սպանվել են Փարաքարի համայնքապետն ու ոստիկան Կարեն Աբրահամյանը: Մեկ անձ վիրավոր է:
