Երևան քաղաքապետարանից Iravaban.net–ը տեղեկացրել է, որ սեպտեմբերի 22-ից մայրաքաղաքի մի շարք հետիոտնային անցումներ կկարգավորվեն «Հետիոտն կանչի» ռեժիմով աշխատող լուսացույցներով:
Նոր համակարգը կտեղադրվի հետևյալ հասցեներում՝
- Անդրանիկի փողոց՝ հ.75/10, 39/10 հասցեին հարակից ճանապարհահատված
- Պարույր Սևակ՝ հ.8 և 8/2 հասցեների միջնամաս
- Հալաբյան փողոց՝ «Արմենիա» հանրապետական բժշկական կենտրոնի քիթ-կոկորդ բաժանմունքի հարակից ճանապարհահատված
- Սարկավագի փողոց՝ հ.14 հասցեին հարակից (Հայ-Չինական դպրոց) ճանապարհահատված
- Տ. Պետրոսյան փողոց՝ Դավիթաշեն 4-րդ թաղամաս 47/2 հասցեի հարակից ճանապարհահատված
- Դավիթ Բեկ՝ 106/5 հասցեի մոտ (ՀՔԲ մոտակայքում)
- Հրաչյա Թամրազյան – Ռիգա փողոցների խաչմերուկ
- Այվազովսկու փողոց – Նոր Արեշի 39-րդ փողոց
- Խաչիկ Դաշտենց – Նոր Արեշ 35-րդ փողոցների խաչմերուկ
- Խուդյակովի փողոց – Ավանի 6-րդ փողոց
«Հետիոտն կանչի» ռեժիմով աշխատող լուսացույցների տեղադրումը նպատակ ունի բարելավել ճանապարհային երթևեկության կազմակերպումը և բարձրացնել հետիոտների անվտանգությունը:
Քաղաքապետարանից հիշեցնում են, որ այս ռեժիմով աշխատող լուսացույցների դեպքում հետիոտները պետք է սեղմեն լուսացույցի վրա տեղադրված հատուկ կոճակը, որից հետո միայն կմիանա հետիոտնի համար նախատեսված կանաչ ազդանշանը:
