Նիկոլ Փաշինյանը հայտարարել է, որ բարձր է գնահատում Ռուսաստանի Դաշնության նախագահի հետ ունեցած երկխոսությունը՝ նշելով, որ տեղի ունեցող տրանսֆորմացիան «շատ կարևոր և կառուցողական է», քանի որ հարցերը քննարկվում են «բաց, ազնիվ, գործընկերային մթնոլորտում»: Վարչապետը հակադրվել է այն տեսակետներին, թե Ռուսաստանը Հայաստանի դեմ հիբրիդային պատերազմ է վարում, ընդունելով, որ «ռուսական մի շարք հեռուստաալիքներ կամ առանձին վերցրած բանախոսներ այդպիսի տրամաբանություն զարգացնում են», սակայն հավելելով, որ ինքը չի դիտարկում հարաբերություններն այդ տրամաբանությամբ:
«Մենք գտել ու գտնելու ենք լուծումներ, սրա համար կարևոր է անձնական փոխվստահությունը, որ մենք ունենք ՌԴ գործընկերների հետ»,- նշել է Նիկոլ Փաշինյանը «Քաղաքացիական պայմանագիր» կուսակցության 7-րդ համաժողովում: Այս մասին հայտնում է Iravaban.net–ը։
