Հարգելի՛ քաղաքացիներ, ԶԼՄ հարգելի՛ գործընկերներ,
Հայտնում եմ, որ այսօր Աշտարակի խճուղում ոստիկանության ծառայողի և լրագրողի միջև տեղի ունեցած միջադեպի մասնակից ոստիկանը ազատվել է ծառայությունից։
Այս մասին հայտնել է ՆԳՆ մամուլի քարտուղար Նարեկ Սարգսյանը։
Հիշեցնենք՝ քասախցիների բողոքի ակցիայի ընթացքում «կարմիր բերետավորը» մտածված, նպատակային հարվածում է 24News-ի լրագրող Մերի Մանուկյանին։
Տեսանյութում երևում է՝ ինչպես է լրագրողը հարցադրման նպատակով մոտենում բողոքի ցույցը ցրող ոստիկանին, իսկ վերջինս կոպիտ պահվածք է ցուցաբերում, կոպիտ խոսում, հետո էլ հարվածում լրագրողին։
