Դատական կարգադրիչների ծառայության պետ Արման Ցոլակյանը աշխատանքից ազատման դիմում է գրել։
Այս մասին Iravaban.net-ի հետ զրույցում հայտնեց ԲԴԽ խոսնակ Մերի Գևորգյանը։
Iravaban.net-ը ներկայացնում է Արման Ցոլակյանի կենսագրությունը։
Ծնվել է 1978 թվականի հունվարի 29-ին Երևանում։
1994 թվականին ավարտել է Երևանի թիվ 14 միջնակարգ դպրոցը։
1996-2001 թվականներին սովորել և ավարտել է ՀՀ ՆԳՆ ակադեմիայի ՆԶ և ՇՍ հրամանատարական ֆակուլտետը։
2002-2007 թվականներին սովորել և ավարտել է ոստիկանության իրավագիտության ֆակուլտետը։
2001-2010 թվականներին ոստիկանությունում զբաղեցրել է տարբեր պաշտոններ։
2010-2014 թվականներին եղել է ՀՀ ԱԻՆ ՓԾ օպերատիվ կառավարման վարչության պետ։
2014-2017 թվականներին եղել է ՀՀ ԱԻՆ փրկարար ծառայության տնօրենի տեղակալ։
Պարգևատրվել է ՀՀ նախագահի կողմից «Երախտագիտության» մեդալով, ՀՀ վարչապետի հուշամեդալով, ՀԱՊԿ գլխավոր քարտուղարի կողմից հոբելյանական մեդալով, ՀՀ ԶՈՒ «Մարշալ Բաղրամյան», «Դրաստամատ Կանայան», «Վազգեն Սարգսյան», ոստիկանության և ԱԻՆ մեդալներով։
Ամուսնացած է, ունի երկու որդի։
