Ավելի վաղ լրատվամիջոցներում տեղեկություն էր տարածվել, որ Սիսիանի կենտրոնական փողոցներից մեկում հրազենով կրակել են շան վրա, վնասել աչքը։
Հայտնի է, որ ձեռնարկված միջոցառումների և բացատրական աշխատանքի արդյունքում կրակողը ներկայացել է Սիսիանի բաժին, խոստովանել արարքն ու ներկայացրել իր անվամբ հաշվառված որսորդական ողորկափող հրացանը: Կազմված փաստաթղթերն ուղարկվել են Սիսիանի քննչական բաժին:
Քննչական կոմիտեից Iravaban.net-ին հայտնեցին, որ դեպքի վերաբերյալ ներկայացված հաղորդումը չի համապատասխանում Քրեական դատավարության օրենսգրքի 173-րդ հոդվածի 2-րդ մասով (համապատասխան հաղորդումը համարվում է հանցանքի մասին, եթե դրանով փաստվում է այնպիսի դեպք կամ գործողություն կամ անգործություն, որին ողջամտորեն կարող է տրվել ՀՀ ՔՕ նախատեսված որևէ արարքին համապատասխանելու նախնական իրավական գնահատական) նախատեսված պայմաններին, ուստի քրեական վարույթ չի նախաձեռնվում
