ՀՀ առողջապահության նախկին նախարար, ԱԺ պատգամավոր Արսեն Թորոսյանն անդրադարձել է իրեն դատարան հարցաքննության հրավիրելու հրապարակումներին։
«Անհամբեր սպասում եմ սույն «քրգործի» դատաքննության ժամանակ հարցաքննությանս՝ հիշեցնելով, որ նախաքննության ժամանակ ես եմ բազմաթիվ անգամ և հրապարակավ պնդել, որ ինձ հարցաքննեն, ինչը հակակոռուպցիոն կոմիտեն հրաժարվում էր անել՝ դրանով իսկ կասկածի տակ դնելով նախաքննության լրիվությունը և անաչառությունը։
Հ.Գ. հենց իմացա դատարանում հարցաքննությանս օրը, հրապարակային կհայտնեմ դրա մասին, որպեսզի բոլոր նորմալ ԶԼՄ-ները գան և լուսաբանեն այն և իրականությունը պարզ դառնա բոլորին»,– գրել է նա տելեգրամի իր ալիքում։
