Սեպտեմբերի 1-ին, ժամը 19:00-ին Սուրբ Աննա եկեղեցու բակում տեղի կունենա Արցախի Հանրապետության օրվան նվիրված մեծ հավաք: Այս մասին տեղեկանում ենք շարժման հայտարարությունից, որում ասվում է․
«Սիրելի հայրենակիցներ,
սեպտեմբերի 1-ին, ժամը 19:00-ին Սուրբ Աննա եկեղեցու բակում տեղի կունենա Արցախի Հանրապետության օրվան նվիրված մեծ հավաք:
Այս հավաքը չափազանց կարևոր է ամենքիս համար: Արցախի մեր հայրենակիցների ելույթների ավարտին Սրբազան Շարժման առաջնորդ Բագրատ արքեպիսկոպոս Գալստանյանը հանդես կգա առաջիկա անելիքների և զարգացումների մասին կարևոր խոսքով:
Սիրելի հայրենակիցներ, Սեպտեմբերի 1-ին, ժամը 19:00-ին բոլորիդ սպասում ենք Սուրբ Աննա եկեղեցու բակում:
Հայ, Հայաստան, Հայրենիք ու Աստված»։
