Ա․ Ղ․-ին մեղադրանք է առաջադրվել այն բանի համար, որ նա 2023 թվականի ապրիլի 27-ի լույս 28-ի գիշերը ժամը 04:00-ի սահմաններում Հ․ Մ․-ի կամքին հակառակ սեռական հարաբերություն է ունեցել վերջինիս հետ։
Գործը դատարան ստացվել է 2023 թ․-ի դեկտեմբերի 12-ին։ Այն մակագրվել է դատավոր Արտյոմ Ղազարյանին։
Iravaban.net-ը փոխանցում է,որ Ա․ Ղ․-ն պատուհանի փեղկը հանելու միջոցով ապօրինի մուտք գործերով միայնակ բնակվող Հ․ Մ․-ի բնակարան, նախ բռնություն գործադրելու միջոցով, նրա կամքին հակառակ սեռական հարաբերություն է ունեցել վերջինիս հետ, որից հետո կրկին բռնություն գործադրելով հափշտակել է Հ․ Մ․-ի կողմից կրվող մեկ զույգ ոսկյա ականջօղերը, մեկ հատ ոսկյա և մեկ հատ արծաթյա մատանիները՝ վերջինիս պատճառելով 90000 ՀՀ դրամի գույքային վնաս։
Նշենք, որ նախնական դատալսումները կսկսվեն 2024թ․-ի հունվարի 11-ին՝ ժամը 14։30-ին։
Ծանուցում․ Հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
