Ելնելով հանրային հետաքրքրությունից՝ ուզում եմ ներկայացնել մայրաքաղաքում ամանորյա միջոցառումների հետ կապված առանձին բաղադրիչների վերաբերյալ ամփոփ տեղեկատվությունը: Այս մասին ֆեյսբուքյան իր էջում տեղեկացրել է Երևանի քաղաքապետարանի մամուլի քարտուղար Հայկ Կոստանյանը։
«1. 2750 ԱՄՅԱԿԻ ԱՅԳՈՒՄ ԵՎ ՍՏԵՓԱՆ ՇԱՀՈՒՄՅԱՆԻ ՀՈՒՇԱՐՁԱՆԻ ՀԱՏՎԱԾՈՒՄ ՍՈՒՐԲԾՆՆԴՅԱՆ ՏՈՆԱՎԱՃԱՌԻ ԿԱԶՄԱԿԵՐՊՈՒՄ
Համայնքն երկարաժամկետ օգտագործման համար ձեռք է բերել թվով 40 բարձր որակի տնակ-տաղավար, բացի այդ որոշակի քանակով վերականգնել ենք նախորդ տարվանից մնացած տնակ-տաղավարները, որոնք անվճար հիմունքներով տրամադրվել են ԼՂ-ից բռնի տեղահանված մեր հայրենակիցներին: Այգու շատրվանների վրա տեղադրվել են ամանորյա դեկորացիաներով լուսավորված երկու փակ ծածկով և մեկ բացօթյա հարթակներ, որոնք նախատեսված են տոնավաճառից գնված սնունդն ու ըմպելիքները վայելելու և հաճելի ժամանցի համար։ Այս ամենը նույնպես ձեռք է բերվել նաև հաջորդ տարիներին օգտագործելու համար: Վերականգնվել են նախորդ տարվանից մնացած թեմատիկ մի շարք դեկորացիաներ, ինչպես նաև այգու սկզբնամասում տեղադրվել է ամանորյա տոնավաճառի մուտքն ազդարարող դեկորատիվ կամար: Ամանորյա տրամադրությունը ընդգծելու համար, այգու ծառերը զարդարվել են ամանորյա լույսերով։ Տոնավաճառի տարածքում քաղաքացիների համար անվճար հիմունքներով գործում են երկու տեսակի մանկական կարուսելներ: Նշված տարածքներում սանմաքարումը, անվտանգությունը և հասարակական կարգի պահպանումը իրակացնելու է նաև կապալառու կազմակերպության կողմից: Հարկ է նշել նաև, որ մեր քաղաքացիներին առավել բարձր որակի ծառայություններ մատուցելու նպատակով, Երևանի քաղաքապետարանի կողմից սահմանվել են որոշակի պահանջներ, որոնց տնտեսվարողները պետք է հետևեն։ Ուստի տնտեսվարողների ներգրավումը, վերոնշյալ կանոններին նրանց ծանոթացնելը, դրանց պահպանմանը հետևելը և ամանորյա տոնավաճառի հետ կապված այս կազմակերպչական հարցերի ապահովման պարտականությունը նույնպես պատվիրակվել է կապալառու կազմակերպությանը։ Նշված աշխատանքների համար սակայան առանձին վճարում համայնքային բյուջեից չի կատարվել, այն տրամաբանությամբ, որ կապալառու կազմակերպությունը կստանա տնակ տաղավարների վարձակալության վճարը, որի համարա սահմանվել է վերին շեմ։
Վերը թվարկվածների ընդհանուր պայմանագրային արժեքը կազմում է շուրջ 226,5 մլն. դրամ:
2. ԼՈՒՅՍԵՐԻ ՎԱՌՄԱՆ ԱՐԱՐՈՂՈՒԹՅՈՒՆ
Դեկտեմբերի 19-ին հանդիսավորությամբ վառվեցին Հանրապետության գլխավոր տոնածառի լույսերը: Ինչպես գիտեք այս տարի նշվում է մեծանուն կոմպոզիտոր Արամ Խաչատրյանի 120 ամյակը, այդ համատեքստում Հանրապետության հրապարակն ամբողջությամբ լցված էր խաչատրյանական շնչով ու դասական երաժշտության երանգներով։
Լույսերի վառումը տեղի է ունեցել Խաչատրյանի “Դիմակահանդես” ստեղծագործության հնչյունների ներքո, հնչել են մաեստրոյի ստեղծագործությունները՝ Հայաստանի պետական սիմֆոնիկ նվագախմբի կատարմամբ:
Ընդհանուր միջոցառման համատեքստում հանդիսությանը մասնակցել են «Բարեկամություն» անսամբլի սաները, ինչպես նաև «Swag Art School»-ի երեխաները: Բեմում կենդանի կատարումներով հանդես են եկել նաև Արամ MP3 և Սրբուկը: Տոնածառի լույսերի վառումը ուղեկցվել է շքեղ հրավառությամբ:
Վերը թվարկվածների ընդհանուր պայմանագրային արժեքը կազմում է 89 մլն. դրամ:
3․ ՀԱՆՐԱՊԵՏՈՒԹՅԱՆ ՀՐԱՊԱՐԱԿԻ ՇԱՏՐՎԱՆԻ ԶԱՐԴԱՐՈՒՄ
Հանրապետության հրապարակի շատրվանների նախագծման կոնցեպտի հիմքում կրկին ընկած է դասականն ու խաչատրյանականը։ Այստեղ տարբեր էլեմենտներով փորձել ենք հուշել այդ մասին և ստանալ մի ընդհանուր պատկեր, որտեղ ներգրավված են բյուրեղապակյա հսկա լուսամփոփներ, որոնց հավաքման համար օգտագործվել է ընդհանուր 440.000 բյուրեղիկ, ռոյալներ և նրանցից ճյուղավորվող նոտաներ՝ խաչատրյանական տարբեր ստեղծագործություններից հատվածներով։ Ձեռք բերված դեկորացիաները օգտագործվելու են նաև հաջորդ տարիներին։
Վերը թվարկվածների ընդհանուր պայմանագրային արժեքը կազմում է 79 մլն. դրամ:
4. 2750 ԱՄՅԱԿԻ ԱՅԳՈՒՄ 7 ՀԱՄԵՐԳԱՅԻՆ ԾՐԱԳՐԵՐ
Համերգային ծրագրերը, որպես ամանորյա տոնավաճառի անբաժանելի մաս արդեն ավանդույթ են դարձել։ Այս տարի նույնպես, Երևանի 2750 ամյակի այգում ելույթ կունենան Սրբուկը, Jazz for the Kids-ը, Kami Friends Project-ը, Լավ Էլի բենդը և այլոք։
Վերը թվարկված միջոցառումների ընդհանուր պայմանագրային արժեքը կազմում է շուրջ 25 մլն դրամ։
Այսպիսով՝ մայրաքաղաքում ամանորյա նշված միջոցառումների համար ծախսվել է 419.5 մլն դրամ, որից հարկերը՝ 58. 770 000 դրամ»,- գրել է նա:
![Возможно, это изображение толпа и фейерверк](https://scontent.fevn4-1.fna.fbcdn.net/v/t39.30808-6/412986204_1779268715879600_3053067572467640432_n.jpg?_nc_cat=103&ccb=1-7&_nc_sid=3635dc&_nc_ohc=Kk0g1ipWa2kAX9JlW_h&_nc_ht=scontent.fevn4-1.fna&oh=00_AfAMjBZz3pGf1Pl6HyR-cn5206fOwQ6kizLYBuHx_KgNew&oe=65890BC4)
![Возможно, это изображение 2 человека, новогодняя елка, осветительное оборудование и текст](https://scontent.fevn4-2.fna.fbcdn.net/v/t39.30808-6/412853423_1779269075879564_6083968237799396936_n.jpg?_nc_cat=110&ccb=1-7&_nc_sid=3635dc&_nc_ohc=wFWBG4WUYE4AX9z9ZIL&_nc_ht=scontent.fevn4-2.fna&oh=00_AfBZuJX9WgWJFdOeY_KECjmO7obQ-k1RH71A2QsLk80yqw&oe=6588B5A9)
![Возможно, это изображение 3 человека и лебедь](https://scontent.fevn4-2.fna.fbcdn.net/v/t39.30808-6/412921804_1779268702546268_3694925346207958432_n.jpg?_nc_cat=102&ccb=1-7&_nc_sid=3635dc&_nc_ohc=yAWIt-wfKAcAX-RAV36&_nc_ht=scontent.fevn4-2.fna&oh=00_AfBqUo5Few9y4vSuPq_N3WnSi4wEuIt1IRA8KsLWIJvJbw&oe=6589211B)
![Возможно, это изображение толпа и текст](https://scontent.fevn4-2.fna.fbcdn.net/v/t39.30808-6/412642870_1779269035879568_283576336727489298_n.jpg?_nc_cat=109&ccb=1-7&_nc_sid=3635dc&_nc_ohc=Rk8nHIR8j7gAX-KMcvf&_nc_ht=scontent.fevn4-2.fna&oh=00_AfAx_p_1Z2CzXhaJ1Qwr98ib0M2SMMzU7HXcvEX1q2AdFQ&oe=658A21A9)
![Возможно, это изображение осветительное оборудование и текст](https://scontent.fevn4-3.fna.fbcdn.net/v/t39.30808-6/412903135_1779269072546231_3181033474904388315_n.jpg?_nc_cat=108&ccb=1-7&_nc_sid=3635dc&_nc_ohc=eAKL8A5nnpEAX8I8rzL&_nc_ht=scontent.fevn4-3.fna&oh=00_AfCRs7KLYyOVqgTQZLvfXvgFi3C_LEjJhK9WOYD68hCIOA&oe=6589922A)
![Возможно, это изображение 8 человек и новогодняя елка](https://scontent.fevn4-3.fna.fbcdn.net/v/t39.30808-6/412451793_1779269049212900_1000947922988553620_n.jpg?_nc_cat=107&ccb=1-7&_nc_sid=3635dc&_nc_ohc=B0E02imZ0DAAX8lDG1P&_nc_ht=scontent.fevn4-3.fna&oh=00_AfAbLiEUTp9oIVH_HqRt55WIv0qm3OhmrdzPm9y-Rmgrng&oe=6588719B)
![Возможно, это изображение 1 человек, новогодняя елка, огонь и фейерверк](https://scontent.fevn4-1.fna.fbcdn.net/v/t39.30808-6/412879976_1779268865879585_2863182633291328182_n.jpg?_nc_cat=111&ccb=1-7&_nc_sid=3635dc&_nc_ohc=0PcA1ePbl1IAX_QPd-m&_nc_oc=AQn6yqQjVhwcWmx78CL6-qTyyrcetcaNgs5bg2FehGDIVkk2_JOZZaEbZ_Ff7uEepss&_nc_ht=scontent.fevn4-1.fna&oh=00_AfDeQshdY35-nHhO3IOpWDQCYsEKpar5LYkTGMTS4XZ2Xw&oe=65893452)