Հունիսի 12-ին, ժամը 11:00-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մարտունի քաղաքի Պարույր Սևակ փողոցում հենասյունն ընկել է շտապօգնության ավտոմեքենայի վրա. տուժածներ չկան:
Այս մասին հայտնոըւմ են Փրկարար ծառայությունից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ հենասյունն ընկել է շտապօգնության «Ford» մակնիշի ավտոմեքենայի (վարորդ՝ Մ. Գ.) վրա:
Փրկարարները ուղղել են հենասյունը. ավտոմեքենան շարունակել է ընթացքը։
