Բարձրագույն դատական խորհուրդը մարտի 17-ին որոշում է ընդունել, որում հանրապետության նախագահին է առաջարկվել Արմեն Պողոսյանի թեկնածությունը Լոռու մարզի առաջին ատյանի ընդհանուր իրավասության դատարանի քրեական մասնագիտացման դատավորի պաշտոնում նշանակելու համար։
Որոշման մեջ մասնավորապես ասվում է․
«1. Հանրապետության նախագահին առաջարկել Արմեն Էդուարդի Պողոսյանի թեկնածությունը` Լոռու մարզի առաջին ատյանի ընդհանուր իրավասության դատարանի քրեական մասնագիտացման դատավորի պաշտոնի թափուր տեղում նշանակելու համար:
2. Սույն որոշման 1-ին կետով ներկայացված առաջարկի վերաբերյալ «Հայաստանի Հանրապետության դատական օրենսգիրք» սահմանադրական օրենքի 117-րդ հոդվածով սահմանված կարգով Հանրապետության նախագահի հրամանագիրն ուժի մեջ մտնելու պահից Արմեն Էդուարդի Պողոսյանին հանել դատավորների թեկնածուների ցուցակից և նրա ռեզերվային դատավորի կարգավիճակը համարել դադարած»:
