Բարձրագույն դատական խորհուրդն այսօր՝ հունվարի 17-ին, քննարկել է Երևանի առաջին ատյանի ընդհանուր իրավասության դատարանի դատավոր Ալեքսեյ Սուքոյանին կարգապահական պատասխանատվության ենթարկելու հարցը։
Միջնորդությունը ներկայացվել է Արդարադատության նախարար Գրիգոր Մինասյանի կողմից։
Դատավոր Սուքոյանը միջնորդեց դռնփակ իրականացնել կարգապահական պատասխանատվության ենթարկելու հարցի քննությունը։ Նա նշեց, որ գործը երեխայի որդեգրմանն է վերաբերում։ Նախարարության ներկայացուցիչը նշեց, որ միջնորդությունը ենթակա է մերժման․ «Որդեգրման հետ կապված որևէ անձնական տվյալներ չեն հրապարակվելու»։
Խորհրդի նախագահ Կարեն Անդրեասյանը նկատեց՝ փաստարկներ ներկայացնելու ժամանակ հաճախ կարիք է լինում բովանդակային հարցեր քննարկելու․ «Ցանկացած պահի, նույնիսկ անզգուշությամբ, կարող է որևէ մեկիս կողմից հրապարակվի տվյալ։ Դա Ձեզ չի անհանգստացնո՞ւմ»։
Նախարարության ներկայացուցիչը նշեց, որ բովանդակային քննարկումների պահին կարող են նիստը դռնփակ անցկացնել։
Բարձրագույն դատական խորհուրդը տեղում քննարկեց միջնորդությունը և բավարարեց այն։
Մանրամասները՝ տեսանյութում։
