Իրանի խորհրդարանի նախագահ Մոհամմադ Բաղեր Ղալիբաֆը հունվարի 9-ին հայտարարել է, որ Թեհրանը չի ընդունի կովկասյան տարածաշրջանում աշխարհաքաղաքական սահմանների որևէ փոփոխություն: Այս մասին գրում է IRNA գործակալությունը։
Նշվում է, որ նա այդ հայտարարությունն արել է Ադրբեջանի խորհրդարանի նախագահ Սահիբա Գաֆարովայի և Թուրքիայի խորհրդարանի նախագահ Մուստաֆա Շենթոփի հետ հանդիպման ժամանակ։
«Մենք կարող ենք լավ հարաբերություններ ունենալ միմյանց հետ տարածաշրջանային և գլոբալ ասպարեզում, և որքան մտերիմ են տարածաշրջանի երկրները, այնքան ավելի լավ է տարածաշրջանի համար: Մենք չպետք է թույլ տանք, որ ոչ տարածաշրջանային երկրները միջամտեն այս ոլորտում»,-ընդգծել է Ղալիբաֆը։
Նա շեշետել է, որ չեն ընդունի որևէ աշխարհաքաղաքական փոփոխություն սահմանին։
