Մայրաքաղաքում մեկնարկել են էտի աշխատանքները: Կենտրոն վարչական շրջանում տեխնիկան և բանվորական ուժը կենտրոնացված են Մաշտոցի պաղոտայում:
Այս մասին հայտնում են Երևանի քաղաքապետարանից։
«ԿՇՄՊ» ՀՈԱԿ-ը ստանձնել է Կարմիր գրքում գրանցված սոսիների էտման պատասխանատու աշխատանքը, որին հետևում է կազմակերպության մասնագիտական խումբը:
Մաշտոցի պողոտայի սոսիների գծային տնկարկը վերջին անգամ հատվել է շուրջ 40 տարի առաջ, կատարվել է բավականին խորը էտ և հետագայում չի թարմացվել: Հաշվի առնելով, որ սոսին համարվում է Երևանի խորհրդանիշը՝ աշխատանքները կկատարվեն՝ նվազագույն վնաս հասցնելով ծառին՝ չվնասելով կմախքային ճյուղերը: Այնուհետև կկատարվի էտված ծառերի ոռոգում և սնուցում: Ձևավորման էտը կիրականացվի վեգետացիոն շրջանի ավարտից հետո:
Ստույգ ժամկետը պայմանավորված է եղանակային պայմաններով:
