Այսօր Ուկրաինայի Զինված ուժերի ռազմաօդային ուժերի օրն է, և այժմ ես ուզում եմ ևս մեկ անգամ շնորհավորել բոլոր ռազմական օդաչուներին և ոչ միայն, այլև մեր երկնքի բոլոր պաշտպաններին մասնագիտական տոնի առթիվ։ Այս մասին հայտարարել է Ուկրաինայի նախագահ Վլադիմիր Զելենսկին, տեղեկանում ենք նախագահականի աշխատակազմից։
«Մենք բոլորս հպարտանում ենք ձեզնով և ցանկանում ենք ձեզ այնքան հաղթանակներ, որ ռուս զինվորականները պարզապես վախենան նույնիսկ մեր ուկրաինական երկնքի մասին մտածելուց։
Այսօր ես խոսեցի Եվրոպական խորհրդի նախագահ Շառլ Միշելի հետ։ Նրան տեղեկացրեցի մարտի դաշտում տիրող իրավիճակի մասին, այն սպառնալիքի մասին, որ Ռուսաստանը ստեղծել է Զապորոժիայի ատոմակայանին հարվածելով։ Աշխարհում չկա այնպիսի ժողովուրդ, որն իրեն ապահով զգա, երբ ահաբեկչական պետությունը հարվածում է ատոմակայանի վրա։ Աստված մի արասցե, ինչ-որ անուղղելի բան տեղի ունենա, և ոչ ոք չի կանգնեցնի քամին, որը կտարածի ռադիոակտիվ աղտոտումը: Հետևաբար, այժմ անհրաժեշտ է միջազգային հանրության սկզբունքային պատասխանը Զապորոժիա ԱԷԿ-ի վրա ռուսական այս հարձակումներին։
Դոնբասում իրավիճակը շարունակում է մնալ շատ ծանր. Մեր բանակն անում է հնարավորը ռուսական տեռորը կասեցնելու և օկուպանտներին առավելագույն կորուստներ տալու համար։
Դժվար է նաև մեր երկրի հարավում գտնվող Խարկովի մարզում, որտեղ օկուպանտները փորձում են կենտրոնացնել իրենց ուժերը։
Ամեն օր և առանց դադարների, մենք աշխատում ենք զենքի մատակարարումն ավելացնելու ուղղությամբ, որպեսզի ռազմաճակատ ուղարկենք ավելի հզոր և հեռահար համակարգեր։
Նախատեսվում են նաև մի շարք կարևոր բանակցություններ, և ոչ միայն ներկայիս քաղաքական գործիչների հետ։
Ինչպես նախկինում, Ուկրաինան կանի ամեն ինչ, որպեսզի մեր պայքարն ու ուկրաինական կարիքները հայտնի լինեն աշխարհի բոլոր երկրներում և բոլոր լսարաններում, նույնիսկ նրանց, ովքեր սովորաբար չեն հետևում քաղաքական կյանքին,-նշել է Զելենսկին։
