ՀՀ սննդամթերքի անվտանգության տեսչական մարմնի Արարատի մարզային կենտրոնի տեսուչները վերահսկողական միջոցառումներ են անցկացրել անհատ ձեռնարկատեր Մանի Մանոջին պատկանող (Արարատի մարզ, ք. Մասիս), իսկ Երևանի կենտրոնի տեսուչները՝ «Վենդինգ» ՍՊԸ-ին պատկանող (Երևան, Հանրապետության Հրապարակ 4) հանրային սննդի օբյեկտներում:
Պարզվել է, որ այս կազամակերպություններում խախտվել են իրավական ակտերով սահմանված սանիտարահիգիենիկ նորմերը:
Այսպես՝ Մասիս քաղաքում գտնվող սննդի օբյեկտում չեն ապահովվել խաչաձև աղտոտումից պաշտպանության կանոնները, չեն ձեռնարկվել համապատասխան միջոցներ կենդանիների մուտքը սննդամթերքի պատրաստման, մշակման, պահման և տեղափոխման տարածքներ կանխելու համար, չի եղել հանդերձարան աշխատակիցների համար, իսկ անձնակազմը չի ենթարկվել պարտադիր նախնական և պարբերական բժշկական զննությունների:
Երևանում գործող կազմակերպությունում արտադրական, առևտրի, օժանդակ, կենցաղային սենքերը չեն պահվել մաքուր և նորոգ վիճակում, չեն ունեցել խոնավ մաքրման և ախտահանման հնարավորություն, պատերը և առաստաղն ունեն վերանորոգման կարիք:
Հանրային սննդի նշված օբյեկտների գործունեությունը կասեցվել է, սահմանվել են խախտումները վերացնելու ժամկետներ:
![Нет описания фото.](https://scontent.fevn1-4.fna.fbcdn.net/v/t39.30808-6/296243611_419435376887520_6052359029354167433_n.jpg?_nc_cat=101&ccb=1-7&_nc_sid=730e14&_nc_ohc=Nq5Y32e-xUIAX8aueCz&_nc_ht=scontent.fevn1-4.fna&oh=00_AT-dwmFBk9aSDRGdS__vVJYQB21F6nBl7uEXiexsKPa6nA&oe=62ED8B00)
![Нет описания фото.](https://scontent.fevn1-2.fna.fbcdn.net/v/t39.30808-6/296276514_419435523554172_525074999044584136_n.jpg?_nc_cat=100&ccb=1-7&_nc_sid=730e14&_nc_ohc=9oAs7J7HgWIAX-HOp0z&_nc_ht=scontent.fevn1-2.fna&oh=00_AT8xrbdhtFJDVNwo6WDBpbiZ2BsyIe1zWuoHEnLzBCiclQ&oe=62EC07C9)
![Возможно, это изображение в помещении](https://scontent.fevn1-4.fna.fbcdn.net/v/t39.30808-6/296248758_419435520220839_8448114169109087689_n.jpg?_nc_cat=108&ccb=1-7&_nc_sid=730e14&_nc_ohc=fTbe7E8joscAX9Rafw_&_nc_ht=scontent.fevn1-4.fna&oh=00_AT_5YAzIGcd345j6-WlpQwAR-HgK_CF0ndjsJlw_D1lLMg&oe=62EBFC4C)