Ս.թ. հունվարի 30-ի լույս 31-ի գիշերը, առանց համապատասխան թույլտվության, Մալաթիա-Սեբաստիա վարչական շրջանի Անդրանիկի փողոցի 108/10 հասցեում՝ փողոցին հարող շուրջ 200 մետր երկարությամբ տարածքում քանդվել են սիզամարգն ու եզրաքարերը: Դրան անմիջապես հաջորդել է տարածքի խճալցումն ու ասֆալտապատումը: Դեպքի առնչությամբ հաղորդում է ներկայացվել ՀՀ ոստիկանության Մալաթիայի բաժին:
Այս մասին հայտնում են Երևանի քաղաքապետարանից:
Իրավապահ մարմինների, Մալաթիա-Սեբաստիա վարչական շրջանի ղեկավարի աշխատակազմի և Երևանի քաղաքապետարանի կառուցվածքային ստորաբաժանումների համագործակցության արդյունքում արդեն հաջորդ օրը՝ փետրվարի 1-ին, հայտնաբերվել է ապօրինի ասֆալտապատում իրականացրած քաղաքացին: Երևանի քաղաքապետարանի աշխատակազմի քաղաքաշինության և հողի վերահսկողության վարչության աշխատակիցների կողմից տարված բացատրական աշխատանքի արդյունքում օրինախախտը պարտավորվել է ասֆալտապատված սիզամարգը սեփական միջոցներով բերել նախկին տեսքի և մասնագետների հետ խորհրդակցելով, դարձյալ սեփական միջոցների հաշվին, կարճ ժամկետում վերականգնել կանաչ գոտին:
Բացի այդ, ՀՀ վարչական իրավախախտումների վերաբերյալ ՀՀ օրենսգրքի 157 հոդվածի համաձայն, բնակավայրերի ընդհանուր օգտագործման տարածքներում կանաչ գոտիները ոչնչացնելու կամ վնասելու, ինչպես նաև Երևան քաղաքում ընդհանուր օգտագործման կանաչ տարածքների պահպանման և օգտագործման կանոնները խախտելու համար օրինախախտը կենթարկվի վարչական պատասխանատվության:
Այժմ արդեն ընթանում են սիզամարգից ասֆալտի և խճի հեռացման աշխատանքները:
![May be an image of 3 մարդ և դրսումը](https://scontent.fevn1-4.fna.fbcdn.net/v/t39.30808-6/272974425_502282171253807_696083602071656974_n.jpg?_nc_cat=109&ccb=1-5&_nc_sid=730e14&_nc_ohc=IBUfVRobdeoAX_dIdho&_nc_ht=scontent.fevn1-4.fna&oh=00_AT-bg6zn4Vrr6leDZDK9R10FFxPp_ibVx2l8ZS8MJJ1gcw&oe=61FE88BE)
![May be an image of դրսում](https://scontent.fevn1-4.fna.fbcdn.net/v/t39.30808-6/272869287_502282237920467_7482833419054975009_n.jpg?_nc_cat=105&ccb=1-5&_nc_sid=730e14&_nc_ohc=nLUMl6a-MucAX_qDPx_&_nc_ht=scontent.fevn1-4.fna&oh=00_AT8nuB8LRgtznfQgi4OfxHBgb9CAiUUvDCSMK9U8HsfIeA&oe=61FE7D52)
![May be an image of դրսում](https://scontent.fevn1-4.fna.fbcdn.net/v/t39.30808-6/273191579_502282107920480_7357865842068988974_n.jpg?_nc_cat=111&ccb=1-5&_nc_sid=730e14&_nc_ohc=TfYZ8zRrw9sAX9BPOds&_nc_ht=scontent.fevn1-4.fna&oh=00_AT8frMkrki090jvMIgbs0fWE66EbJTFzhWX9vUnBb4qQwQ&oe=61FF753B)
![May be an image of 1 հոգի և դրսումը](https://scontent.fevn1-4.fna.fbcdn.net/v/t39.30808-6/272923093_502282161253808_7027642082163338302_n.jpg?_nc_cat=102&ccb=1-5&_nc_sid=730e14&_nc_ohc=ORgatNHini0AX-nt0GN&_nc_oc=AQnhSg0bgvKGXjF40aUCla2d4PxoojP8mGMtHiMBy2hYamsaCicLm4faY8M_k5Nj5hk&tn=8Urg82nqnSekRyng&_nc_ht=scontent.fevn1-4.fna&oh=00_AT_gG0_Unt5zyelgspE5A3ncfoPIsHkznNcOdr3BHLRU4Q&oe=61FEE5D1)
![https://scontent.fevn1-4.fna.fbcdn.net/v/t39.30808-6/273040951_502282091253815_2235283838304167337_n.jpg?_nc_cat=108&ccb=1-5&_nc_sid=730e14&_nc_ohc=9YNrD3Rj6HEAX8R5raA&_nc_oc=AQmtCsbdIlAoNGehz9zNzEfYbBVQL9FimEPjOpbZskyQFJ93Mt_0rxMyxn_2x4oo2p4&_nc_ht=scontent.fevn1-4.fna&oh=00_AT9DnhEc7_1dpNMF2jat1XEyePzIFzsuwHhu3uA57P0VPg&oe=61FF64D0](https://scontent.fevn1-4.fna.fbcdn.net/v/t39.30808-6/273040951_502282091253815_2235283838304167337_n.jpg?_nc_cat=108&ccb=1-5&_nc_sid=730e14&_nc_ohc=9YNrD3Rj6HEAX8R5raA&_nc_oc=AQmtCsbdIlAoNGehz9zNzEfYbBVQL9FimEPjOpbZskyQFJ93Mt_0rxMyxn_2x4oo2p4&_nc_ht=scontent.fevn1-4.fna&oh=00_AT9DnhEc7_1dpNMF2jat1XEyePzIFzsuwHhu3uA57P0VPg&oe=61FF64D0)