Շատ հաճախ անհրաժեշտություն է առաջանում ստանալ որևէ կարգավիճակի կամ փաստի վերաբերյալ ստանալ տեղեկանք:

Նշված տեղեկանքները տրամադրվում են Քաղաքացիական կացության ակտեր գրանցող մարմինները` կատարված ակտային գրառումների հիման վրա:

Իսկ ում կարող են տրամադրվել տեղեկանքներ:

Քաղաքացիական կացության ակտի վերաբերյալ տեղեկանք տրամադրվում է `

ա) անձին, որը դիմել է ՔԿԱԳ մարմին իր վերաբերյալ տեղեկություն ստանալու համար.

բ) ծնողներին (օրինական ներկայացուցիչներին), խնամակալության և հոգաբարձության մարմիններին.

գ) այլ անձի, եթե նա ներկայացնում է ՔԿԱԳ վերաբերյալ տեղեկանք ստանալու իրավունք ունեցող անձի կողմից սահմանված կարգով տրված լիազորագիր.

դ) երեխաներին` իրենց մահացած ծնողների վերաբերյալ:

16-18 տարեկան երեխաները ՔԿԱԳ վերաբերյալ տեղեկանք կարող են ստանալ իրենց դիմումի հիման վրա, եթե ունեն անձը հաստատող փաստաթուղթ:

«ՔԿԱԳ տարածքային մարմինների կողմից քաղաքացիական կացության ակտի վերաբերյալ տեղեկանքներ տրամադրվում են ՔԿԱԳ մարմին դիմելուց հետո մեկ օրվա ընթացքում»,-այս մասին Իրավաբան.net-ին հայտնում է Հայաստանի երիտասարդ իրավաբանների ասոցիացիայի իրավաբան Գոհար Կոստանյանը և հավելում. «Ամուսնության և ամուսնալուծության ակտային գրանցման առկայության կամ բացակայության վերաբերյալ տեղեկանքները տրամադրվում են ՔԿԱԳ մարմին դիմելուց հետո եռօրյա ժամկետում»:

Աղբյուրը` Իրավաբան.net