Ինչպես արդեն տեղեկացրել ենք, այսօր՝ հունիսի 26-ին մահացել է ժամկետային զինծառայող, շարքային Հայկ Սուրենի Ալավերդյանը:
Քննչական կոմիտեից այս մասին տեղեկանում ենք.
«2019թ. հունիսի 26-ին՝ ժամը 13:30-ի սահմաններում, ՊՆ N զորամասի ժամկետային զինծառայող, շարքային Հայկ Սուրենի Ալավերդյանն իրեն հատկացված ԱԿ-74 տեսակի ինքնաձիգով դեմքի շրջանում ինքն իրեն պատճառել է մահացու հրազենային վնասվածք:
Դեպքի առթիվ չորրորդ կայազորային քննչական բաժնում ՀՀ քրեական օրենսգրքի 110-րդ հոդվածի 1-ին մասով հարուցվել է քրեական գործ, կատարվում է նախաքննություն»:
