Կազմավորման 1 տարվա կապակցությամբ Բարձրագույն դատական խորհուրդը ավելի քան 100 էջի սահմաններում ներկայացնելու է մանրամասն վերլուծություն՝ դատական համակարգի խնդիրների, վերջին տարում արձանագրված փոփոխությունների և առաջըթացի վերաբերյալ:
Բարձրագույն դատական խորհրդի անդամ Հայկ Հովհաննիսյանը Իրավաբան.net-ի հետ զրույցում հայտնեց, որ համաձայն է այն կարծիքի հետ, թե 2018 թվականի մայիսից սկսած դատական համակարգը ավելի անկախ է դարձել:
«Կարծում եմ, որ քաղաքական իշխանությունների քաղաքական կամքը ակնհայտ է: Գործադիրը և օրենսդիրը չեն խառնվում դատական իշխանության գործերին: Նրանք աջակցում են դատական իշխանության կայացմանը և այսօր մենք Արդարադատության նախարարության, գործադիրի և օրենսդիրի հետ ակտիվ համագործակցության մեջ ենք»,-նշեց նա:
Բարձրագույն դատական խորհրդի անդամը նաև խոսեց ԲԴԽ-ի դեմ հարուցված գործերից, դատարանի վրա ճնշումներից և վերջերս լիազորությունները դադարեցված դատավոր Արայիկ Մելքումյանից:
Մանրամասները՝ տեսանյութում
