Երևանի ներքաղաքային միկրոավտոբուսային համար 61 երթուղին սպասարկող ընկերության սնանկ ճանաչվելու պատճառով երթուղու գործունեությունը ս/թ փետրվարի 18-ից կդադարեցվի:
Այս մասին տեղեիկանում ենք Երևանի քաղաքապետարանից:
Նշված երթուղուց օգտվող Վարդաշեն թաղամասի որոշակի հատվածի (6-րդ, 9-րդ փողոցներ) բնակիչների տրանսպորտային սպասարկումն ապահովելու նպատակով ավտոբուսային համար 18 երթուղու վերջնակետը Մուշականից կտեղափոխվի Վարդաշենի 6-րդ փողոց (միկրոավտոբուսային համար 61 երթուղու վերջնակետ):
Միկրոավտոբուսային համար 61 երթուղուց օգտվող մյուս ուղևորները կարող են օգտվել նշված երթուղուն զուգահեռ գործող այլ ներքաղաքային երթուղիներից:
Երևանի քաղաքապետարան պատճառվող անհարմարությունների համար հայցում է համաքաղաքացիների ներողամտությունը:
