Ոստիկանության Արմավիրի բաժնի ծառայողների ձեռնարկած օպերատիվ- հետախուզական միջոցառումների շնորհիվ մարտի 7-ին, ժամը 12.10-ին, Արմավիր քաղաքի Հանրապետության փողոցի թիվ 41 հասցեի մոտ հայտնաբերվել և բերման է ենթարկվել 1987 թ. ծնված Քրիստինե Ն.-ն:
Այս մասին տեղեկանում ենք ոստիկանությունից:
Նշենք, որ Քրիստինե Ն.-ն մարտի 2-ից հետախուզվում էր ՀՀ քրեական օրենսգրքի 177 հոդվածի (գողությունը) 2-րդ մասի 1-ին կետի, 177 հոդվածի (գողությունը) 2-րդ մասի 1-ին և 2-րդ կետերի, 179 հոդվածի (յուրացնելը կամ վատնելը) 2-րդ մասի 2-րդ և 3-րդ կետերի, 324 հոդվածի (փաստաթղթեր, դրոշմներ, կնիքներ հափշտակելը կամ վնասելը) 1-ին մասի և 325 հոդվածի (փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշեր կեղծելը, իրացնելը կամ օգտագործելը) 2-րդ մասի մեղադրանքներով:
