Դանիայի Թագավորությունում Հայաստանի Հանրապետության արտակարգ և լիազոր դեսպան Ալեքսանդր Արզումանյանը նախագահի մարտի 7-ի հրամանագրի համաձայն համատեղության կարգով նշանակվել է նաև Նովեգիայի թագավորությունում Հայաստանի դեսպան:
Իրավաբան.net -ը ձեզ է ներկայացնում նորանշանակ դեսպանի կենսագրությունը
Ծննդյան թիվն ու վայրը՝
1959թ. դեկտեմբերի 24, Երևան
Կրթությունը՝
1986թ. ավարտել է Երևանի պետական համալսարանի մեխանիկամաթեմատիկական ֆակուլտետը:
Աշխատանքային գործունեությունը
Մինչև 1990թ. Քաղաքի կառավարման ավտոմատացված համակարգերի Երևանի գիտահետազոտական և նախագծային ինստիտուտում (ՔԿԱՀԵՆԻ) աշխատել է ճարտարագետ-ծրագրավորող:
1988-1990թթ. ղեկավարել է Հայոց համազգային շարժման լրատվական կենտրոնը, հրատարակել կենտրոնի տեղեկագրերը:
1990-1991թ. եղել է ՀՀ ԳԽ նախագահի օգնական:
1991թ. ՀՀ ԳԽ նախագահության և Նախարարների խորհրդի համատեղ որոշմամբ գործուղվել է ԱՄՆ (ՀՀ դիվանագիտական ներկայացուցչություններ հիմնելու նպատակով):
1992-1993թթ. եղել է ԱՄՆ-ում ՀՀ արտակարգ և լիազոր դեսպան:
1992-1996թթ.` ՄԱԿ-ում ՀՀ մշտական ներկայացուցիչ:
1996-1998թթ.` ՀՀ արտաքին գործերի նախարար: 1988թ.-ից մասնակցել է Ղարաբաղյան շարժմանը:
2000-2002թթ. և 2008-2012թթ. եղել է Հայոց համազգային շարժման վարչության նախագահ:
2001-2004թթ.` Հայ-թուրքական հաշտեցման հանձնաժողովի անդամ (հայ և թուրք ականավոր գործիչներից կազմված անկախ խումբ):
2002թ. աշխատել է մարդու իրավունքների, ժողովրդավարության, տարածաշրջանային համագործակցության հարցերով զբաղվող ոչ կառավարական կազմակերպություններում:
2008թ. նախագահական ընտրություններում եղել է նախագահի թեկնածու Լևոն Տեր-Պետրոսյանի կենտրոնական նախընտրական շտաբի պետ:
2012-2017թթ.` ՀՀ ԱԺ պատգամավոր համամասնական ընտրակարգով «Ժառանգություն» կուսակցությունից, ՀՀ ԱԺ արտաքին հարաբերությունների մշտական հանձնաժողովի նախագահի տեղակալ:
Դիվանագիտական աստիճանը
Ունի արտակարգ և լիազոր դեսպանի դիվանագիտական աստիճան:
Օտար լեզուների իմացությունը
Տիրապետում է ռուսերենին, անգլերենին և ֆրանսերենին:
Ընտանեկան կարգավիճակը
Ամուսնացած է, ունի մեկ զավակ:
