2018 թվականի մարտի 1-ին կայացել է ՀՀ դատավորների ժողովի հերթական տարեկան ընդհանուր ժողովը:

Բարձրագույն դատական  խորհրդի առաջին կազմի դատավոր անդամների քվեարկության արդյունքներով՝ ԲԴԽ անդամներ են ընտրվել.

1. Արմեն Բեկթաշյանը (5 տարի ժամկետով, Երևան քաղաքի ընդհանուր իրավասության դատարան, քրեական մասնագիտացում),
2. Անի Մխիթարյանը (5 տարի ժամկետով, Երևան քաղաքի ընդհանուր իրավասության դատարան, քաղաքացիական մասնագիտացում),
3. Սերգեյ Չիչոյանը (5 տարի ժամկետով, ՀՀ քրեական վերաքննիչ դատարա)
4. Արմեն Խաչատրյանը (3 տարի ժամկետով, ՀՀ Շիրակի մարզի ընդհանուր իրավասության դատարան, քաղաքացիական մասնագիտացում),
5. Ռուզաննա Հակոբյանը (3 տարի ժամկետով, ՀՀ վճռաբեկ դատարան, քաղաքացիական և վարչական մասնագիտացում):

Իրավաբան.net-ը ձեզ է ներկայացնում դատավոր Սերգեյ Չիչոյանի կենսագրությունը:

Ծնվել է 1966 թվականին Գավառ քաղաքում։

1983 թվականից մինչև 1988 թվականը սովորել է ԵՊՀ իրավաբանական ֆակուլտետում։

1988 թվականից մինչև 1989 թվականն աշխատել է «Կամոսարք» գործարանուն՝ որպես իրավաբան։

1989 թվականից մինչև 1999 թվականն աշխատել է Գավառի ՆԳԲ ծառայությունում։

1999 թվականից մինչև 2003 թվականն աշխատել է Գեղարքունիքի մարզի Առաջին ատյանի դատարանում՝ դատավորի պաշտոնում։

2003 թվականից մինչև 2008 թվականն աշխատել է Գեղարքունիքի մարզի առաջին ատյանի դատարանի նախագահի պաշտոնում։

2008 թվականից մինչև 2009 թվականը զբաղեցրել է Հյուսիսային քրեական դատարանի նախագահի պաշտոնը:

2009 թվականի փետրվարի 27-ին ՀՀ Նախագահի հրամանագրով նշանակվել է ՀՀ վերաքննիչ քրեական դատարանի դատավոր:

2014 թվականից ՀՀ արդարադատության խորհրդի անդամ է:

Լուսանկարը՝ Դատական դեպարտամենտից

Իրավաբան.net