2018 թվականի մարտի 11-ին հանրապետության 20 համայնքներում կայանալիք տեղական ինքնակառավարման մարմինների ընտրություններին որպես թեկանծու է գրանցվել 37 անձ: Իրավաբան.net-ը Ձեզ է ներկայացնում թեկանածուներին:
Արագածոտնի մարզի Դդմասար համայնքում նախնական գրանցված է եղել երկու թեկնածու: Մեկը համայնքի ներկայիս ղեկավար Օսեյան Ռաշիդը, իսկ մյուսը համայնքապետարանի աշխատակազմի ղեկավար Սադոյան Ռուբիկը, սակայն վերջինս ինքնաբացարկ է հայտնել:
Օսեյան Ռաշիդ
Այսպիսով, միակ թեկանծու Օսեյան Ռաշիդը 62 տարեկան է, ավարտել է Դդմասարի դպրոցը: 1975-1977թթ. ծառայել է ԽՍՀՄ զինված ուժերում:
Հայաստանի Հանրապետական կուսակցության անդամ է, ամուսնացած է, ունի երկու որդի և չորս թոռ:
Արդեն 14 տարի է Դդմասարի համայնքի ղեկավարն է:
Նշենք, որ համայնքում կա ընդամենը 130 ընտրող:
Արարատի մարզ Դարբնիկ համայնքում նախնական տվյալներով գրանցվել էր երեք թեկանածու, սակայն նրանցից մեկը՝ Ավետիսյան Սմբաթը ետ է վերցրել փաստաթղթերը, իսկ Վիրաբյան Ռաֆիկը ինքնաբացարկ է հայտարարել:
Գզիրյան Դավիթ
Այժմ գրանցված միակ թեկնածուն համայնքի ներկայիս ղեկավար, ՀՀԿ կուսակցության անդամ Գզիրյան Դավիթն է:
Գզիրյան Դավիթը 43 տարեկան է: Ավարտել է Երևանի տնտեսա-իրավագիտական համալսարանը: 1995-2001 թթ. աշխատել է ոստիկանության Մասիսի ներքին գործերի բաժնում, 2003-2008 թթ. «ՖԵՌՈ» և «ՀԱՐՐԻ» ՍՊԸ-ներում որպես մենեջեր: 2014 թվականից Դարբնիկ համայնքի ղեկավարն է: Ծառայել է ՀՀ Ազգային բանակում: Ամուսնացած է, ունի երկու որդի: Նշենք, որ համայնքն ունի 1042 ընտրող:
Արարատի մարզի Եղեգնավան համայնքում որպես համայնքի ղեկավարի թեկնածու էր գրանցվել 2 անձ, որոնցից մեկը՝ Եփրեմյան Տիգրանը ինքնացարկ է հայտարարել:
Միակ թեկնածուն համայնքի գործող ղեկավարն է, անկուսակցական Ղազարյան Հովսեփը: 58 տարեկան է:
Ավարտել է Հայկական գյուղատնտեսական ինստիտուտը և Մարքսիզմ – Լենինիզմի անվան համալսարանը:
Ունի պահեստային սպայի զինվորական կոչում, անկուսակցական է, ամուսանացած է, ունի մեկ որդի:
Եղեգնավանի համայնքի ղեկավարի պաշտոնը զբաղեցնում է արդեն 22 տարի:
Նշենք, որ համայնքն ունի 1073 ընտրող:
Արարատի մարզի Զորակ համայնքում նախապես առաջադրվել էին 2 թեկնածու, բայց նրանցից անկուսակցական Խաչատրյան Էդուարդը ինքնաբացարկի միջնորդությու էր հայտնել և այժմ գրանցված միակ թեկնածուն Մալոյան Մանուկն է՝ ՀՀԿ-ից:
Մալոյան Մանուկ
70 տարեկան է, ավարտել է Երևանի ֆիզիկական կուլտուրայի ինստիտուտը և պետական գյուղատնտեսական ինստիտուտը: 24 տարի է Զորակ համայնքի ղեկավարն է: Ծառայել է Խորհրդային բանակում, Հանրապետական կուսակցության անդամ է:
Ամուսնացած է, ունի երկու երեխա:
Նշենք, որ համայնքն ունի 1444 ընտրող:
Շարունակելի…
Եվգենյա Համբարձումյան
