Հրայր Թովմասյանը վաղը հրաժարականի դիմում է ներկայացնելու ԱԺ պետաիրավական հարցերի հանձնաժողովի նախագահի պաշտոնից, քանի որ վերջինս առաջադրվել է Սահմանադրական դատարանի անդամի պաշտոնում: Այս մասին ՀՀԿ ԳՄ նիստից հետո լրագրողներին ասել է ՀՀԿ մամուլի քարտուղար Էդուարդ Շարմազանովը։ Հայտնում է News.am-ը։
Նա հայտնել է, թե Հանրապետական կուսակցությունը որոշել է ԱԺ պետաիրավական հանձնաժողովի նախագահի պաշտոնում առաջադրել Գևորգ Կոստանյանի թեկնածությունը։
Հրայր Թովմասյանը դեռևս ԱԺ պատգամավոր է մնալու՝ մինչ նշանակումը, իսկ հրաժարականի դեպքում ԱԺ պատգամավոր կդառնա Տաճատ Վարդապետյանը։
