Իրավական ակտերի նախագծերի հրապարակման միասնական կայքում ֆինանսների նախարարությունը հրապարակել է որոշման նախագիծ: Նախագծով առաջարկվում է Հայաստանի Հանրապետության կառավարության 2015 թվականի հունվարի 15-ի թիվ 30-Ն որոշումը համապատասխանեցնել «Սահմանամերձ բնակավայրերում իրականացվող գործունեությունը հարկերից ազատելու մասին» ՀՀ օրենքով և ՀՀ հարկային օրենսգրքով սահմանված կարգավորումներին:
Նախագծի կարգավորման առարկան մարտական գործողությունների հետևանքով չօգտագործվող հողատարածքներ ունեցող սահմանամերձ բնակավայրերի ցանկն է:
Նախագծում մասնավորապես նշված է. ««Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասի համաձայն՝ Հայաստանի Հանրապետության կառավարությունը որոշում է.
Հայաստանի Հանրապետության կառավարության 2015 թվականի հունվարի 15-ի «Մարտական գործողությունների հետևանքով չօգտագործվող հողատարածքներ ունեցող այն սահմանամերձ համայնքների ցանկը հաստատելու մասին, որտեղ իրականացվող գործունեությունն ազատվում է հարկերից» թիվ 30-Ն որոշման վերնագրում, նախաբանում և 1-ին կետում «համայնքներ» բառը փոխարինել «բնակավայրեր» բառով համապատասխան հոլովաձևերով:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից»:
Ձեզ ենք ներկայացնում նաև մարտական գործողությունների հետևանքով չօգտագործվող հողատարածքներ ունեցող սահմանամերձ համայնքների ցանկը:
ՀՀ Արարատի մարզ
1. Երասխ
1.1. Պարույր Սևակ
ՀՀ Վայոց ձորի մարզ
2. Խաչիկ
3. Խնձորուտ
4. Սերս
5. Նոր Ազնաբերդ
6. Բարձրունի
ՀՀ Գեղարքունիքի մարզ
7. Վահան
7.1. Ճամբարակ
ՀՀ Տավուշի մարզ
8. Ներքին Կարմիր աղբյուր
9. Ոսկեվան
10. Չորաթան
11. Կողբ
12. Վազաշեն
13. Բերքաբեր
14. Չինարի
15. Արծվաբերդ
16. Ծաղկավան (Իջևանի շրջան)
17. Մոսեսգեղ
18. Դովեղ
19. Պառավաքար
20. Բերդավան
21. Բարեկամավան
22. Կոթի
23. Բաղանիս
24. Սարիգյուղ
25. Այգեձոր
26. Կիրանց
27. Այգեպար
28. Սևքար
29. Այգեհովիտ
30. Ոսկեպար
31. Վերին Կարմիր աղբյուր
32. Բերդ
33. Ազատամուտ
