Սինգապուրի ազդեցիկ հանձնաժողովներից մեկն առաջարկել է իրավաբանների կողմից տարեկան առնվազն 16 ժամ անվճար ծառայությունների մատուցում օգնության կարիք ունեցող սինգապուրցիներին:
«Համայնքային իրավական ծառայություններ» կոչվող ծրագիրը առաջարկվել է Սինգապուրի իրավաբանական ակադեմիայի կողմից` ուղղված կարիքավոր մարդկանց իրավական խնդիրների լուծմանը:
Հղում կատարելով «Channel News Asia»-ին, Global Legal Post-ը հայտնում է, որ ակադեմիան կցանկանար, որպեսզի վկայականներ ունեցող և մասնագիտական գործունեություն ծավալող բոլոր իրավաբանները` ներառյալ միջազգային կազմակերպություններում աշխատող իրավաբանները, իրենց մասնակցությունն ունենան այս ծրագրին: Վճռաբեկ դատարանի դատավոր և կոմիտեի ղեկավար Վ.Կ. Ռաջահը հույս է հայտնել է, որ այս ծրագիրը կստեղծի ծառայությունների մատուցման նոր ձև և կհիշեցնի իրավաբաններին հասարակությանը ծառայելու իրենց մասնագիտության մասին:
Աղբյուրը՝ Իրավաբան.net
