«Վերնիսաժ»ժի գործով մայիսի 17-ին կրակոցներ արձակած և մի քանի անձի առողջական վնաս հացրած Գոռ Առաքելյանի փաստաբան Երեմ Սարգսյանի համար զարմանալ էր, երբ դատաբժշկական փորձաքննության եզրակացության հրապարկումից հետո լրատվամիջոցներում հիմնականում շեշտվում էր այն հանգամանքը, թե իր պաշտպանյալը մեղսունակ է:
«Ինձ համար զարմանալի է, որ շեշտադրումը այդ կետի վրա են դրել, որովհետև երբևէ մենք չեն վիճարկել նրա մեղսունակության կամ անմեղսունակությանը հարցը: Ճիշտ է միջնորդության մեջ այդ հարցը դրված էր` ամբողջականությունը ապահովելու համար, որովհետև խնդիր ունեինք պաթոլգիական աֆեկտի հնարավոր առակյության հետ, բայց այդ հանգամանքը (նկատի ունի իր պաշտպնայլի մեղսունակությունը,- հեղ.) մեր կողմից չի էլ վիճարկվել»:
Փաստաբանի խոսքով` փորձաքննության ամբողջ իմաստը եղել է այն, որ արդյո ՞ք Գոռ Առաքելյանը գտնվել է հոգեբանական աֆեկտի մեջ արարքի կատարման ժամանակ, թե` ոչ. «Քանի որ Գոռը դատաքննության նախաքննության ընթացքում ցուցմունքներ չի տվել և չի հայտնել դեպքի վերաբերյալ հանգամանքներ, հետևաբար հնարավորություն չի եղել որոշելու աֆեկտի մեջ լինելու հանգամանքը` այն ոչ հերքվել, ոչ էլ հաստատվել է»:
Փաստաբանի խորին համոզմամբ աֆեկտ առկա եղել է, որովհետև բոլոր հատկանիշները, այդ թվում նաև օբյեկտիվ, վկայում են դրա մասին: Դատաբժշկական փորձաքննությամբ էլ պարզվել է, որ դեպքից հետո Առաքելյանի մոտ առկա է եղել հիշողության մասնակի կորուստ, ինչը խիստ բնորոշ է հետաֆեկտային փուլին:
Փաստաբանը գտնում է, որ Գոռ Առաքելյանի դեմ ուղղված մեղադրանքները անհիմն են` հատկապես ծանրացնող հանգամանքները. «Այստեղ առկա չի եղել խուլիգանական դրդումներ, քանի որ կոնկրետ իրադրությունից ծագած խնդիր է, և նա իր անձի առավելությունը ընդգծելու որևէ դրդապաճառ չի ունեցել»:
Իսկ մեր այն հարցին թե՞ ապացույցներ կան , որ նա մենակ չի եղել, փաստաբանն ասաց, որ վկաները ցուցմունք են տվել, որ մեքենայի մեջ եղել է կին ու երեխա, նույնը պարզել է նաև հետաքննությունը:
