Ազգային ժողովն արտահերթ նստաշրջան կգումարի։ Համապատասխան կարգադրությունն ԱԺ նախագահ Ալեն Սիմոնյանը ստորագրել է դեկտեմբերի 14-ին։

«Հայաստանի Հանրապետության Սահմանադրության 100-րդ եւ «Ազգային ժողովի կանոնակարգ» սահմանադրական օրենքի 44-րդ հոդվածների համաձայն՝ Կառավարության նախաձեռնությամբ 2023 թվականի դեկտեմբերի 22-ին՝ ժամը 11:00-ին, գումարել Ազգային ժողովի արտահերթ նստաշրջան՝ նախաձեռնողի սահմանած օրակարգով»: