Դեկտեմբերի 9-ին ոստիկանության Վաղարշապատի բաժնում օպերատիվ տեղեկություններ էին ստացվել, որ մի երիտասարդի մոտ ատրճանակ կա։ Վաղարշապատի բաժնի քրեական հետախույզները, իրացնելով տեղեկություններն ու ձեռնարկելով օպերատիվ-հետախուզական միջոցառումներ, պարզել են երիտասարդի ինքնությունը:
Այս մասին հայտնում են ՆԳՆ ոստիկանությունից։
Հետագա միջոցառումներով Սևան քաղաքում հաշվառված 21-ամյա երիտասարդը Երևան քաղաքի Գրիբոյեդովի փողոցում հայտնաբերվել, ապօրինի զենք-զինամթերք պահելու և կրելու կասկածանքով ձերբակալվել և տեղափոխվել է ոստիկանության Վաղարշապատի բաժին: Անձնական խուզարկությամբ նրա մոտ հայտնաբերվել է 9 մմ տրամաչափի, առանց համապատասխան փաստաթղթի մարտական թմբուկավոր ատրճանակ:
Կազմված փաստաթղթերն ուղարկվել են նախաքննական մարմին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
