«Հայաստանի էլեկտրական ցանցեր» փակ բաժնետիրական ընկերության կայքում բաժանորդները հնարավորություն ունեն լրացնելու բաժանորդների բավարարվածության հարցաթերթիկ։
Այս մասին Iravaban.net-ը տեղեկանում է ՀԷՑ-ից։
«Մասնակցելով բաժանորդների բավարարվածության ուսումնասիրություն վերաբերյալ մեր հարցմանը և լրացնելով սույն հարցաթերթիկը՝ Դուք աջակցում եք ոչ միայն էլեկտրամատակարարման և բաժանորդների սպասարկման որակի շարունակական բարելավմանը՝ այլև Ընկերության կառավարման համակարգի բարեփոխման գործընթացին»,-նշվում է էջում:
Բաժանորդները կարող են պատասխանել այնպիսի հարցերին, ինչպես, օրինակ՝ արդյո՞ք ունեք դժգոհություններ մատակարարվող էլեկտրաէներգիայի որակի վերաբերյալ, որքա՞ն է էլեկտրաէներգիայի անջատման հաճախականությունը կամ արդյո՞ք ըստ Ձեզ, հաշվիչի ցուցմունքը համապատասխանում է Ձեր կողմից սպառած էլեկտրաէներգիայի քանակին։
Հարցաթերթիկը լրացնելու համար անցեք այստեղ։
