Ազգային ժողովում լրագրողների հետ ճեպազրույցում, ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը հայտնեց, որ Հայաստանն Ադրբեջանի հետ խաղաղության պայմանագիր կստորագրի այն ժամանակ, երբ վստահ կլինի, որ դա ի շահ Հայաստանի է լինելու և ի շահ տարածաշրջանային խաղաղության ու կայունության։
«Հայաստանն Ադրբեջանի հետ խաղաղության պայմանագիր կստորագրի այն ժամանակ, երբ վստահ կլինի, որ դա ի շահ Հայաստանի է լինելու և ի շահ տարածաշրջանային խաղաղության ու կայունության։ Տարածքային ամբողջականության ճանաչման սկզբունքը շատ առանցքային է և պնդում է, որ Ադրբեջանը պետք է վերահաստատի իր հանձնառությունը այդ սկզբունքի վերաբերյալ»,- «Արմենպրես»-ի հաղորդմամբ՝ Ազգային ժողովում լրագրողների հետ ճեպազրույցում ասաց Խանդանյանը՝ արձագանքելով որոշ ընդդիմադիրների հայտարարություններին, որ Ադրբեջանի հետ խաղաղության պայմանագիր շուտափույթ կնքելու դեպքում Հայաստանը խնդիրներ կունենա և նոր զիջումների կգնա՝ հաշվի առնելով այն, որ Ադրբեջանը հրապարակային չի ճանաչել Հայաստանի տարածքային ամբողջականությունը քառակուսի կիլոմետրերով։
Նրա խոսքով՝ եթե Ադրբեջանը շարունակի ապակառուցողական լինել բանակցությունների ընթացքում, Հայաստանը շարունակելու է հորդորել, որ միջազգային գործընկերները և այն կողմերը, որոնք պատրաստակամություն են հայտնել և պատասխանատվություն են ստանձնել միջնորդ հանդիսանալ բանակցություններում, շարունակեն ճնշումն Ադրբեջանի վրա։
