Պետական նպաստի իրավունք ունեն Հայաստանի Հանրապետության քաղաքացիները, Հայաստանի Հանրապետությունում բնակվող և բնակության իրավունք (կացության կարգավիճակ) ունեցող օտարերկրյա քաղաքացիները, քաղաքացիություն չունեցող, ինչպես նաև Հայաստանի Հանրապետությունում փախստականի կարգավիճակ ունեցող անձինք` օրենքով սահմանված հիմքերի առկայության դեպքում:
Պետական նպաստի տեսակներն են՝
1) ընտանեկան նպաստ,
2) սոցիալական նպաստ,
3) հրատապ օգնություն,
4) երեխայի ծննդյան միանվագ նպաստ,
5) մինչև երկու տարեկան երեխայի խնամքի նպաստ,
6) ժամանակավոր անաշխատունակության նպաստ,
7) մայրության նպաստ,
8) ծերության նպաստ,
9) հաշմանդամության նպաստ,
10) կերակրողին կորցնելու դեպքում նպաստ,
11) թաղման նպաստ:
Պետական նպաստ ստանալու համար քաղաքացին պետք է դիմի իր փաստացի բնակության վայրի՝ պետական նպաստ տրամադրելու Հայաստանի Հանրապետության կառավարության լիազորած մարմին:
